على خلفية تصريحات أدلى بها أحمد سعد ضمن مقابلة له على برنامج "كنبة أنغامي" الخاصّ بالمنصة الرقمية الشهيرة "أنغامي"، دخل الفنان المصري قائمة الأكثر تداولًا في موقع التغريدات القصيرة "تويتر" في مصر، حيث تربع على عرش المرتبة الـ20.
ومن بين هذه التصريحات، أخبر سعد عن موقفٍ طريف حصل معه في أحد الأفراح، قائلًا: "جالي فرح صعب عليا العريس والعروسة جدًا، كنت عايز أقولهم أنتو إيه اللي خلاكم تجبوني؟ ده أنا بعمل أغاني حزينة بس.. ابتديت بقى أغني اللي في جراحي، والعريس بقى خلاص.. الفرح بينهار (يضحك)".
وتحدث سعد عن أول لحن قام بتلحينه في مشواره الفني، قائلًا: "أنا أول لحن عملته في حياتي للفنان راغب علامة كان طب ليه، وكان لحن ليه قصة كمان جميلة جدًا جدًا، إن أنا ما كنتش بحلن خالص، ولا كنت أعرف حاجة عن الألحان، وقلتله تحب أعملك لحن؟ راح متراهن معايا، وفعلًا روحت البيت قعدت أعمل اللحن بتاع طب ليه ده في يوم واحد".
وأضاف: رُحت تاني يوم عملتهوله، وبقى اللحن الحمدالله، بعد كده ابتديت ما لحنش تاني، لإني خُفت جدًا أبقى الملحن اللي بغني، فهو غير المغني اللي بيلحن".
وروى سعد عن أغرب موقف حصل معه في حفلة، قائلًا: "في مرة واحد بقى مش قادر أنساه من كتر ما ضحكني بصراحة جدًا، قاللي إيه ده!! أحمد سعد!! حبيب قلبي، أنت عارف أنا اتنين بس في حياتي اللي بحبهم عمرو دياب ومحمد فؤاد.. أنا مش فيهم".
ولفت سعد أنَّ شقيقه عمرو سعد وزوجته علياء بسيوني هما أول شخصان يسمعهما أغنية جديدة يحضرها، مشيرًا إلى أنّه يحب أحيانًا يسمّع الناس العاديين من أجل أن يعرف مكان الملل في الأغنية من وراء تصرفاتهم خلال الاستماع.
من جهةٍ أخرى، احتفل النجم أحمد سعد بتغطي أغنيته الشهيرة "عليكي عيون" عتبة المئة مليون مشاهدة على موقع يوتيوب العالمي. والأغنية من كلمات محمد شافعي وألحان أحمد سعد نفسه، وتوزيع محمد محمد عاطف الحلو - بيدو ارتيست. وكان سعد طرحها في الـ23 من شهر فبراير 2022 الفائت على طريقة فيديو الكلمات عبر قناته الرسمية على موقع "يوتيوب" العالمي. أما مطلع كلماتها، يقول: "عليكي عيون، لا بتنافق ولا بتخون، وفيها من الامان مخزون، وفيها من الجمال اسرار...".
