تلفزيون الآن

حرص "نجم الجيل" تامر حسني على توجيه رسالة لمحبيه ومتابعيه عبر حساباته على مواقع التواصل الاجتماعي كافة حول خبرته بالنجاح في الحياة. فقام بنشر صورةٍ له مكتوبٌ عليها: "احنا في زمن لو احتجت فيه إيد تدفيك!! ابقى امسك إيدك التانية، احنا في زمن "يلا نفسي".. عشان كدة معندناش حل غير أن كل واحد فينا ينجح".

 

وأرفق الصورة بتدوينة الرسالة التي قال فيها: "حبايب قلبي في حب ربنا و حبكم، إن شاء الله كل كام يوم هاجي على بالليل كدا نتناقش في موضوع من خلال مشواري و تجربتي في الحياة، جايز تستفيدوا منه حاجة و جايز يكون في كتير منكوا هيكون كلامي بمثابة إشارة تشجعهم كانوا مستنيينها".

 

وتابع: "من خلال خبرتي النجاح بيقوي و يجعل كل من حولك يهتم بك و العكس صحيح و أعني بالنجاح؛ النجاح الانساني في علاقاتك بربنا و الناس.. النجاح المهني وتحقيق ذاتك و طموحك و تحديك لكل الصعاب و تخطيك لكل محنك زي ما عملوا كتير قبلك و ظروفهم كانت أصعب منك و وصلوا لأكبر من أحلامهم".

 

وختم: "أمانة عليكم محدش يكتبلي عاش و هو دا و تقبر قلبي، أنا عايز إفتح باب نقاش حقيقي يخليكوا تاخدوا قرارات مهمه في حياتكم أو تتشجعوا و تتحمسوا لخطوات إيجابيه إتكلموا و قولوا اللي جواكم تفريغ أحاسيسكم هنا و أي أسأله جواكم أو أي مواقف أو حكايات لما تتقال هنا هتبقى أول خطوه للصح عشان هتتولّد طاقه كبيره للخير شاهد عليها ربنا ف هتكون خير أوي لينا إن شاء الله".

 

ولاقى المنشور تأييد وتفاعل الجمهور الذي تحدّث بدوره عن خبرته بالنجاح في خانة التعليقات الخاصة بمنشور الفنان تامر حسني الذي نشره عبر صفحاته الرسمية على مواقع التواصل الاجتماعي.

 

 

يذكر أنَّه عرض مؤخرًا للنجم المصري تامر حسني فيلم "بحبك" الذي حقق إيرادات كبيرة جدًا فاقت الـ46 مليون جينيه في مصر ودول العربية والغربية، وذلك بعد أسابيع قليلة من بدء عرض هذا العمل السينمائي الجديد.

 

كتب: أسعد البيطار